DÍA DE ROSALÍA DE CASTRO

 

Hoxe é 23 de Febreiro, Día de Rosalía de Castro. E o CPI de Padrenda - Crespos conmemorou este día pondo no menú do comedor o famoso "Caldo de Gloria" que se menciona no poema "Miña casiña, meu lar" de Rosalía de Castro.

A maiores, como forma de homenaxe á escritora máis importante das letras galegas, un pequeno grupo de estudantes de 1º ESO e 2º ESO fixeron un videopoema recitando a composición “Miña casiña, meu lar”, acompañada de imaxes do “Caldo de Gloria” mentres que o alumnado de 5º e 6º Primaria crearon outro recitando o poema "Pra a Habana!", acompañado de imaxes da diáspora galega cara América.